Душанбе, 02.08.2016. /АМИТ «Ховар»/. Хабаргузории «Рушд», бо истинод ба расонаҳои маҳаллии Ҳинд гузориш додааст, ки як хонуми 28-солаи ҳиндӣ дар Фурудгоҳи байналмилалии ба номи Индира Гандии Ҳиндустон, қабл аз он ки бо мақсади ба гурӯҳҳои ҷангҷӯи террористони Афғонистон бипайвандад, боздошт гардид.
Хонуми ҳиндӣ бо номи Ёсамин Муҳаммад ният доштааст худро ба назди як марди ҳиндии 21-сола, ки як моҳ пеш бо гурӯҳи ДИИШ дар Афғонистон пайвастааст, бирасонад. Як кӯдаки 5-сола низ ӯро ҳамроҳӣ мекард.
Дар Афғонистон чандест гурӯҳҳои мухталифи террорист – толибон ва ДИИШ фаъолият меварзанд ва гурӯҳи ба ном Давлати исломӣ ё ДИИШ собиқаи даъват аз занон ва пайвастани хонумҳо ба ин гурӯҳро дорад.
