Душанбе, 01.08.2016. /АМИТ «Ховар»/. «Ҳаҷми умумии боркашонӣ тавассути нақлиёти ҳавоии ватанӣ нисбат ба ҳамин давраи соли гузашта 15,2% кам гардидааст»,- зикр намуд вазири нақлиёти Ҷумҳурии Тоҷикистон Шералӣ Ганҷалзода, имрӯз зимни нишасти хабарӣ.
Корхонаи воҳиди давлатии «Тоҷикаэронавигатсия» ба 21 801 адад ҳавопаймоҳои 149 ширкати ҳавоии ватанию хориҷӣ хизматрасонии аэронавигатсионӣ намудааст ва ин шумора нисбат ба ҳамин давраи соли сипаришуда 3 642 адад кам мебошад.
Шералӣ Ганҷалзода сабаби камшавии хизматрасонӣ ба ҳавопаймоҳоро дар кам гардидани парвозҳо аз ҷониби ширкатҳои ҳавоии «Сибир», «Air Astana» ва қатъ гардидани парвозҳо аз ҷониби як қатор ширкатҳои ҳавопаймоии Федератсияи Русия рабт донист.
↧
Ш. Ганҷалзода: «Ҳаҷми умумии боркашонӣ тавассути нақлиёти ҳавоии ватанӣ кам гардид»
↧