Душанбе, 21.07.2016. /АМИТ «Ховар»/. Имрӯз зимни нишасти матбуотӣ Вазири меҳнат, муҳоҷират ва шуғли аҳолии Ҷумҳурии Тоҷикистон, Сумангул Тағозода иброз дошт, ки дар шашмоҳаи соли равон шумораи тобутҳое, ки аз хориҷи кишвар ба Тоҷикистон оварда шудааст, 436 ададро ташкил медиҳад ва ин назар ба соли гузашта 2 адад кам мебошад.
Сумангул Тағозода ҳамчунин ёдовар шуд, ки 436 адад тобуте, ки ба Тоҷикистон оварда шуд ҳамаи онҳо шаҳрвандони Тоҷикистон буда, на ҳамаашон муҳоҷири меҳнатӣ мебошанд.
Мутобиқи натиҷаҳои баҳисобгирӣ дар нимсолаи соли равон аз Ҷумҳурии Тоҷикистон 308676 нафар ба хориҷи кишвар ҳамчун муҳоҷирони меҳнатӣ сафар кардаанд, ки ин нисбат ба ҳамин давраи соли гузашта 27949 нафар кам ба қайд гирифта шудааст.
↧
Сумангул Тағойзода : 436 адад тобут ба Тоҷикистон ворид карда шуд
↧