Душанбе,29.06.2016 /АМИТ «Ховар»/. Бошгоҳи «Зенит»-и СанктПетербург фурӯхта шудани ҳамлагари даста- Халкро ба яке аз клубҳои давлати Чин тасдиқ кард. Ин бозингари бразилиягии «Зенит» минбаъд шарафи тими «Шанхай Теллейс»-ро ҳимоя мекунад. Бино ба хабари сухангӯи дастаи «Зенит» Дмитрий Симмерман Халк имрӯз аз муоинаи тиббӣ гузашта, ба ҳайати дастаи нави худ мепайвандад. Маблағи шартнома 56 миллион евроро дар бар гирифта, боз 2 миллиони дигар ба ҳайси туҳфа(бонус) пешбинӣ шудааст.
Ёдрас бояд шуд, ки то кунун аз Премйер-лигаи Русия ягон бозингар бо чунин маблағи баланд фурӯхта нашуда буд. Ҳанӯз соли 2013 ҳамлагари дастаи «Анҷӣ» Виллиан бо арзиши 35,5 миллион евро ба КФ «Челсӣ» гузаштааст.
↧
«Зенит»-и Санкт-Петербург Халкро ба маблағи 56 миллион евро фурӯхт
↧