Душанбе, 14.06.2016 /АМИТ «Ховар»/. Масъалаи фаъолияти Донишгоҳи Осиёи Марказӣ зимни вохӯрии вазири маориф ва илми ҶТ Нуриддин Саид бо намояндаи доимии Ташкилоти Оғохон оид ба рушд (AKDN) ва раиси Шӯрои иҷроияи Донишгоҳи Осиёи Марказӣ Шамс Кассим Лакха, директори шуъбаи амалиётии Донишгоҳи Осиёи Марказӣ Музаффар Ҷорубов, менеҷери Ташкилоти Оғохон оид ба рушд дар Тоҷикистон Латофат Зуҳурова ва намояндаи ташкилот Давлатқадам Хушқадамов мавриди баррасӣ қарор дода шуд.
Тамоми кӯшишу талоши мо, пеш аз ҳама, бояд пурра ба кори ба истифода додани донишгоҳ равона бошад, -зикр намуд Нуриддин Саид.
Раиси Шўрои иҷроияи Донишгоҳи Осиёи Марказӣ Шамс Кассим Лакха иттилоъ дод, ки соли равон 502 нафар ҳуҷҷат супорида, 204 нафар аз имтиҳонҳои даври аввал гузаштанд. Аз ин теъдод 160 нафар ҳуҷҷатҳои худро пешниҳод кардаанд, ки баъд аз омўзишу баррасии ҳуҷҷатҳои довталабон танҳо 72 нафар қабул карда мешаванд То ба фаъолият шурӯъ кардани Донишгоҳи Осиёи Марказӣ дар Вилояти Мухтори Кӯҳистони Бадахшон донишҷӯён таҳсили худро дар Ҷумҳурии Қирғизистон идома медиҳанд,-баён дошт Нуриддин Саид.
Нуриддин Саид, вазири маориф ва илми ҶТ таъкид сохт, ки дар баробари шаҳрвандони ҷумҳуриҳои Қазоқистону Қирғизистон, Афғонистону Покистон, шаҳрвандони тоҷик на танҳо аз Вилояти Мухтори Кӯҳистони Бадахшон, балки аз тамоми ҷумҳурӣ қабул карда шаванд.
↧
То ифтитоҳи Донишгоҳи Осиёи Марказӣ донишҷӯён дар Қирғизистон таҳсил хоҳанд кард
↧