ДУШАНБЕ, 19.09.2019 /АМИТ «Ховар»/. Имрӯз муовини якуми Вазири корҳои хориҷии Ҷумҳурии Тоҷикистон Хусрав Нозирӣ Сафири Фавқулода ва Мухтора Ҷумҳурии Озарбойҷон дар кишвари мо Ҳасан Мамадзодаро ба ҳузур пазируфт.
Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар мулоқот масъалаҳои ҷории муносибатҳои дуҷониба байни ду давлат дар заминаҳои гуногун, аз ҷумла раванди омодагӣ ба ҷаласаи навбатии Комиссияи муштараки ҳамкории тиҷоратию иқтисодии Тоҷикистону Озарбойҷон, ки қарор аст соли равон дар Душанбе баргузор гардад, баррасӣ шуданд.