Кӯлоб, 4.06.2016 /АМИТ «Ховар»/. Бо ташаббуси Вазорати тандурустӣ ва ҳифзи иҷтимоии аҳолӣ дар шаҳри Кӯлоб бо мақсади пешгирӣ аз нашъамандӣ ҳамоиш доир гардид. Дар он мутахассисони соҳа, намояндагони ҳокимияти маҳаллӣ ва коршиносон иштирок намуданд.
Ба андешаи иштирокдорон, баргузории чунин вохӯриҳо муфид ва саривақтӣ буда, паҳншавии нашъамандӣ ба нобуд гардидани генофонди миллӣ оварда мерасонад. Аз ин рӯ, мебояд ҳамаи аҳли ҷомеа дар мубориза бар зидди нашъамандӣ ширкат варзанд ва аз ҳама роҳу воситаҳои имконпазир истифода баранд.